Lautu thawhkehnak hi tuanbia pahnih i kan hmuh caah a tu ka vun thlah thanmi asi.
A hlanah Bangladesh ram chungah, tibual pakhat a um i a min ah Salua tibual an rak ti. Cu tibual kam ahcun, khua hmete pakhat a rak um i, cu khua cun, Lahnin chungpa le Thangngan chungpa cu, ramvaih ah, an rak kal. Ramvaih i an kal kar ah, an khua cu ti nih a phum dih. Cu caah, cu hna pahnih cu chaklei ah an kai i, atu Surngen le Sentung le Aibur karlak i a ummi Tisen khua ah khin an rak luut. Tisen khua an phanh tikah cun, nupi le fate he an rak si cang. Tisen khua i an um nakah cun, an pahnih i khua an ruat i, hiti hmunkhat ah um ti ko cu, a tha lai lo, pakhat cu khua chaklei ah kan kai rih a hua lai," tiah an ti. Asinain khuachaklei kai cu an rak duh veve lo i, Tisen khua i um lanh cu an rak i cuh. Cucaah, a hnuah kan Arbawm kan zoh lai i, a hlun deuhmi cu Tisen khua a phan hmasa kan si lai i, a Arbawm a thar deuhmi cu Tisen khua a phan hmanung kan si lai i, khua chaklei ram ah kan kai lai tiah bia an rak i kam. Thangngan chungpa cu mifim deuh a rak si caah, mi hlawnh ciami Arbawm thingpi a laak i a rak thlai. An Arbawm thlaimi cu an va zoh tikah, Thangngan chungpa Arbawm cu a tthing deuh i, Lahnin chungpa Arbawm cu a thar deuh caah, Lahnin chungpa cu chaklei ram chung kai ding a si i, Thangngan chungpa cu Tisen khua ah um lanh ding a si. Asinain, Lahnin chungpa nih cun, Thangngan chungpa cu, "Zei kan ti hnga dah, nangmah tu khuachaklei cu va kai ko law, kumkhat ah voikhat lengmang in khuachiah na rak ka kholh tawn lai, "tiah a rak ti. Cutikah, Thangngan chungpa cu a hna a tla ve i, Tisen khua cun atu Arbur ram Saikai khua an timi Acia lopil chungah khin an tlak i an rak um. Saikai khua Acia lopil ah an um lio ahcun, Leitak khuatlatu hna, Sawibia chungpa, Suihliang le Bawitlai chung hna nih, khua kan sakpi ve ko u tiah Thangngan chung cu an rak sawm hna i, Leitak khua ahcun an rak kal i, Hlawnceu bawi, Leitak khua an lut hlan tiang bawi an rak tuan.
A cung capar hi kan zoh tikah, ka rak thlak hmasami capar he aa dang ngaimi asi. A pakhatnak capar cu Lautu hrinsor Za Kheng he pehtlainak a ngei. Cu atu ka thlakmi tuanbia hi Lautu hrinsor Za Kheng he pehtlainak a ngei lo bantuk a si. Cucaah Lautu thawhkehnak tuanbia hi pahnih in an chim caah lung awkttawm awk ngaingai a si.
Kan pale chimmi pakhat ahcun, Tisen khua hi a hmasa a rak tlatu hna hi an kir than i, a voihnihnak an rak tla than ti a si hoi. Cucaah a zei hi dah kan tuanbia ah ka i chiah lai ti hi a fiang lo ngaimi asi. Hi tuanbia pahnih chungah a zei hi dah kan miphun thawhkehnak he a nai deuh timi hi kan pale nih tuaktan ulaw tuchan mino caah tuanbia thar kan tial piah hram ko u.
A hlanah Bangladesh ram chungah, tibual pakhat a um i a min ah Salua tibual an rak ti. Cu tibual kam ahcun, khua hmete pakhat a rak um i, cu khua cun, Lahnin chungpa le Thangngan chungpa cu, ramvaih ah, an rak kal. Ramvaih i an kal kar ah, an khua cu ti nih a phum dih. Cu caah, cu hna pahnih cu chaklei ah an kai i, atu Surngen le Sentung le Aibur karlak i a ummi Tisen khua ah khin an rak luut. Tisen khua an phanh tikah cun, nupi le fate he an rak si cang. Tisen khua i an um nakah cun, an pahnih i khua an ruat i, hiti hmunkhat ah um ti ko cu, a tha lai lo, pakhat cu khua chaklei ah kan kai rih a hua lai," tiah an ti. Asinain khuachaklei kai cu an rak duh veve lo i, Tisen khua i um lanh cu an rak i cuh. Cucaah, a hnuah kan Arbawm kan zoh lai i, a hlun deuhmi cu Tisen khua a phan hmasa kan si lai i, a Arbawm a thar deuhmi cu Tisen khua a phan hmanung kan si lai i, khua chaklei ram ah kan kai lai tiah bia an rak i kam. Thangngan chungpa cu mifim deuh a rak si caah, mi hlawnh ciami Arbawm thingpi a laak i a rak thlai. An Arbawm thlaimi cu an va zoh tikah, Thangngan chungpa Arbawm cu a tthing deuh i, Lahnin chungpa Arbawm cu a thar deuh caah, Lahnin chungpa cu chaklei ram chung kai ding a si i, Thangngan chungpa cu Tisen khua ah um lanh ding a si. Asinain, Lahnin chungpa nih cun, Thangngan chungpa cu, "Zei kan ti hnga dah, nangmah tu khuachaklei cu va kai ko law, kumkhat ah voikhat lengmang in khuachiah na rak ka kholh tawn lai, "tiah a rak ti. Cutikah, Thangngan chungpa cu a hna a tla ve i, Tisen khua cun atu Arbur ram Saikai khua an timi Acia lopil chungah khin an tlak i an rak um. Saikai khua Acia lopil ah an um lio ahcun, Leitak khuatlatu hna, Sawibia chungpa, Suihliang le Bawitlai chung hna nih, khua kan sakpi ve ko u tiah Thangngan chung cu an rak sawm hna i, Leitak khua ahcun an rak kal i, Hlawnceu bawi, Leitak khua an lut hlan tiang bawi an rak tuan.
A cung capar hi kan zoh tikah, ka rak thlak hmasami capar he aa dang ngaimi asi. A pakhatnak capar cu Lautu hrinsor Za Kheng he pehtlainak a ngei. Cu atu ka thlakmi tuanbia hi Lautu hrinsor Za Kheng he pehtlainak a ngei lo bantuk a si. Cucaah Lautu thawhkehnak tuanbia hi pahnih in an chim caah lung awkttawm awk ngaingai a si.
Kan pale chimmi pakhat ahcun, Tisen khua hi a hmasa a rak tlatu hna hi an kir than i, a voihnihnak an rak tla than ti a si hoi. Cucaah a zei hi dah kan tuanbia ah ka i chiah lai ti hi a fiang lo ngaimi asi. Hi tuanbia pahnih chungah a zei hi dah kan miphun thawhkehnak he a nai deuh timi hi kan pale nih tuaktan ulaw tuchan mino caah tuanbia thar kan tial piah hram ko u.
Careltu nang diklak, chungtha u.
Pu Thla Hu (Daniel pa)
Pu Thla Hu (Daniel pa)
No comments:
Post a Comment